DASARA : కొత్తదనం కోరుకునే ప్రేక్షకులకు ఎప్పుడూ బెస్ట్ ఎంటర్‌టైన్‌మెంట్ ఇవ్వడానికి ట్రై చేస్తుంటాడు నేచురల్ స్టార్ నాని.. సినిమా సినిమాకీ కథ, క్యారెక్టర్ పరంగా వెవిధ్యం చూపించాలనుకునే నాని ఇటీవల ‘శ్యామ్ సింగ రాయ్’, ‘అంటే.. సుందరానికి’ సినిమాలతో నటుడిగా మరింత పేరు తెచ్చుకున్నాడు.
ఇప్పుడు కంప్లీట్ మాస్ అవతార్‌లో ‘దసరా’ మూవీ చేస్తున్నాడు. కీర్తి సురేష్ హీరోయిన్. శ్రీకాంత్ ఓదెల దర్శకుడిగా పరిచయమవుతున్నాడు. SLV సినిమాస్ బ్యానర్ మీద సుధాకర్ చెరుకూరి నిర్మిస్తున్నారు. శుక్రవారం ఈ సినిమాకి సంబంధించి అప్‌డేట్ ఇచ్చారు టీం.
తెలంగాణ నేపథ్యంలో యాక్షన్ థ్రిల్లర్‌గా తెరకెక్కుతున్న ‘దసరా’ ఇప్పటికే కొంత భాగం షూటింగ్ జరుపుకుంది. కొత్త షెడ్యూల్ స్టార్ట్ అయ్యిందని.. త్వరలో మరిన్ని వివరాలు తెలియజేస్తామని యూనిట్ తెలిపారు. ఈ సినిమాకి సంగీతం : సంతోష్ నారాయణన్, కెమెరా : సత్యన్ సూర్యన్, ఎడిటింగ్ : నవీన్ నూలి.
Leave a comment