లాక్ డౌన్ నిబంధనలు ఎత్తి వేసి నేటికి మూడు రోజులు అవుతోంది. ఈ శుభవార్తతో చాలామంది సినీ నిర్మాతలు వెంటనే తమ సినిమాలను పూర్తి చేసే పనిలో పడ్డారు. అలా ఇప్పుడు వేగంగా షూటింగ్ జరుపుకుని, తెరమీదకు వీలైనంత తొందరగా తీసుకురావాలని ప్రయత్నిస్తున్న మరో సినిమా టీం ‘నరుడి బ్రతుకు నటన’.
నేహా శెట్టి, ప్రిన్స్, బ్రహ్మాజీ ఇందులో ప్రధాన పాత్రల్లో కనిపించబోతున్నట్లు తెలుస్తోంది. విమల కృష్ణ ఈ సినిమాకి దర్శకత్వం వహిస్తున్నాడు. సినిమా కథను కూడా సిద్ధూ జొన్నలగడ్డతో కలిసి అతనే సిద్ధం చేసుకున్నాడు. ఈ సినిమా తొందరలనే పూర్తయ్యే అవకాశం ఉంది. ఇదే సంవత్సరం విడుదల చేయాలన్న ఆలోచనతో ముందుకు వెళ్తున్నారు. ఈ సంవత్సరం ఫిబ్రవరిలోనే షూటింగ్ ప్రారంభించిన ఈ సినిమా సెకండ్ వేవ్ కారణంతో ఇంతకాలం షూటింగ్ పనులు నిర్వహించలేదు. సితార ఎంటర్టైన్మెంట్స్ తరపున నాగ వంశీ ఈ సినిమాకి నిర్మాతగా వ్యవహరిస్తున్నారు.
Leave a comment