NBK 107 : నరుడి రూపంలో ఉన్న నర‘సింహా’వతారం..

NBK 107: నటసింహా నందమూరి బాలకృష్ణ అభిమానులు ఎంతో ఆసక్తిగా ఎదురు చూస్తున్న NBK 107 అప్‌డేట్ వచ్చేసింది. జూన్ 10న బాలయ్య 62వ పుట్టినరోజు సందర్భంగా.. గోపిచంద్ మలినేని డైరెక్షన్లో బాలయ్య నటిస్తున్న హై ఓల్టేజ్ యాక్షన్ ఎంటర్‌టైనర్ ఫిలిం నుండి NBK 107 ఫస్ట్ హంట్ పేరుతో టీజర్ రిలీజ్ చేశారు.

బాలయ్య గెటప్, బాడీ లాంగ్వేజ్ సరికొత్తగా ఉన్నాయి. ‘‘భయం నా బయోడేటాలోనే లేదురా.. బోషడీకే’’ అంటూ బాలయ్య తన స్టైల్లో చెప్పిన పవర్ ఫుల్ డైలాగ్స్ ఫ్యాన్స్‌కి గూస్ బంప్స్ తెప్పిస్తున్నాయి. యంగ్ మ్యూజిక్ సెన్సేషన్ థమన్ బ్యాగ్రౌండ్ స్కోర్ అదిరిపోయింది. సినిమాటోగ్రాఫర్ రిషి పంజాబీ బాలయ్యని పవర్ ఫుల్‌గా చూపించారు.

శృతి హాసన్ ఓ కథానాయికగా కనిపించనుండగా.. ప్రముఖ కన్నడ నటుడు ‘దునియా’ విజయ్ విలన్‌గా నటిస్తున్నారు. వరలక్ష్మీ శరత్ కుమార్ ఇంపార్టెంట్ రోల్ చేస్తుంది. ఈ వీడియోతో బాలయ్య తన ఫ్యాన్స్‌కి సాలిడ్ బర్త్‌డే ట్రీట్ ఇచ్చారు. ప్రస్తుతం రెగ్యులర్ షూటింగ్ జరుపుకుంటున్న NBK 107 దసరాకి ప్రేక్షకుల ముందుకు రానుంది.