Bhola Shankar: మెగాస్టార్ చిరంజీవి వరుస సినిమాలతో యమా స్పీడ్ మీదున్నారు. ‘ఆచార్య’ తర్వాత మోహన్ రాజాతో ‘లూసీఫర్’ రీమేక్ ‘గాడ్ ఫాదర్’, మెహర్ రమేష్ దర్శకత్వంలో ‘భోళా శంకర్’, బాబీ డైరెక్షన్‌లో ‘వాల్తేరు వీరయ్య’ సినిమాలు చేస్తున్నారు. తమిళ్ సూపర్ హిట్ ‘వేదాళం’ తెలుగు రీమేక్గా ‘భోళా శంకర్’ మూవీ తెరకెక్కుతోంది. చిరంజీవి నటిస్తున్న 155వ సినిమా ఇది..
మిల్కీ బ్యూటీ తమన్నా హీరోయిన్గా, కీర్తి సురేష్ చిరు చెల్లెలిగా నటిస్తున్నారు.. AK ఎంటర్‌టైన్‌మెంట్స్ బ్యానర్ మీద రామబ్రహ్మం సుంకర నిర్మిస్తున్నారు. అన్నాచెల్లెళ్ల అనుబంధం ఆధారంగా రూపొందుతున్న ‘భోళా శంకర్’ రెగ్యులర్ షూటింగ్ జరుపుకుంటుంది.
ఈ సినిమా గురించి ఫిలింనగర్‌లో వినిపిస్తున్న లేటెస్ట్ న్యూస్ ఏంటంటే.. యంగ్ హీరో నితిన్ ‘భోళా శంకర్’ లో యాక్ట్ చెయ్యబోతున్నాడట. అది కూడా చిరంజీవి చెల్లెలిగా చేస్తున్న కీర్తి సురేష్ బాయ్‌ఫ్రెండ్‌ క్యారెక్టర్‌లో అని వార్తలు వినిపిస్తున్నాయి.
స్వతాహా పవర్ స్టార్ పవన్ కళ్యాణ్ డైహార్డ్ ఫ్యాన్ అయిన నితిన్.. ఏకంగా మెగాస్టార్ చిరంజీవి సినిమాలో అవకాశం రావడంతోత ఫుల్ హ్యాపీగా ఫీలవుతున్నాడట. మూవీ టీం త్వరలో ఈ విషయం గురించి అఫీషియల్ అనౌన్స్‌మెంట్ ఇవ్వబోతున్నారని తెలుస్తోంది.
Leave a comment