నందమూరి నట వారసుడిగా ఇండస్ట్రీలోకి అడుగుపెట్టిన జూనియర్ ఎన్టీఆర్ గురించి ప్రత్యేకంగా చెప్పక్కర్లేదు . స్టూడెంట్ నెంబర్ 1న్ సినిమాతో ఫస్ట్ హిట్ ని తన ఖాతాలో వేసుకున్న ఎన్టీఆర్ ఆ తర్వాత తనదైన స్టైల్ లో ఇండస్ట్రీలో దూసుకుపోతూ.. తనలోని మైనస్లను కూడా ప్లస్సులుగా మార్చుకుంటూ ..అభిమానుల్ని సంపాదించుకున్నాడు. ఎంతలా అంటే ఆయన నటించిన ఆంధ్రావాలా ఆడియో రిలీజ్ ఈవెంట్ కు ఎంతమంది జనాభ వచ్చారో మనం చూసిందే.
పాన్ ఇండియా లెవెల్ లో గుర్తింపు సంపాదించుకొని గ్లోబల్ హీరోగా మారిపోయిన ఎన్టీఆర్.. తెలుగులో ఏ హీరో అందుకొని అరుదైన ఘనతను అందుకున్నాడు . త్రిబుల్ ఆర్’తో తెలుగు సినిమాకి గ్లోబల్ ఇమేజ్ తీసుకొచ్చాడు దర్శకధీరుడు ఎస్.ఎస్. రాజమౌళి. జూనియర్ ఎన్టీఆర్, రామ్ చరణ్ ప్రధాన పాత్రల్లో పోషించిన ఈ చిత్రం హాలీవుడ్ ప్రముఖుల ప్రశంసలు పొందటంతో పాటు.. ‘నాటు నాటు’ పాటకి గాను ఆస్కార్ కూడా గెలిచింది.
‘ఆర్ఆర్ఆర్’తో ఎన్టీఆర్, రామ్ చరణ్, రాజమౌళికి ప్రపంచవ్యాప్తంగా ఎంతో గుర్తింపు వచ్చింది. ఇప్పటికే ఆస్కార్ యాక్టర్స్‌ బ్రాంచ్‌ లిస్ట్ లో స్థానం సంపాదించి ఎన్టీఆర్, చరణ్ అరుదైన గౌరవం పొందారు. ఇక ఇప్పుడు ఎన్టీఆర్ మరో అరుదైన ఘనతను సాధించాడు.ఈ క్రమంలోనే నందమూరి ఫ్యాన్స్ ఈ న్యూస్ ని ట్రెండ్ చేస్తున్నారు. ప్రముఖ అమెరికన్ మ్యాగజైన్ వెరైటీ “గ్లోబల్ మీడియాలో 500 మంది అత్యంత ప్రభావవంతమైన వ్యక్తులు” పేరుతో ఒక లిస్టును విడుదల చేసింది.
ప్రపంచవ్యాప్తంగా అత్యంత ప్రభావవంతమైన వ్యక్తులలో ఎన్టీఆర్ స్థానం సంపాదించుకున్నాడు . సౌత్ నుంచి ఈ లిస్టులో స్థానం సంపాదించిన మొదటి హీరో ఎన్టీఆర్ కావడం విశేషం. త్రిబుల్ ఆర్ లాంటి బిగ్గెస్ట్ హిట్ తర్వాత ఎన్టీఆర్ నటిస్తున్న తాజా చిత్రం దేవర ప్ర‌స్తుతం ఈ సినిమా షూటింగ్ జడ్ స్పీడ్ లో జరుగుతుంది. 2024 ఏప్రిల్ 5న ఈ సినిమా ప్రేక్షకుల ముందుకు రానుంది. ఈ క్రమంలోనే ఈ సినిమాకు సంబంధించిన టీజ‌ర్ ను త్వరలోనే ప్రేక్షకులు ముందుకు తీసుకురానుంది చిత్ర యూనిట్. ఈ క్రమంలోనే పాన్ ఇండియా లెవెల్ లోనే కాదు ప్రపంచవ్యాప్తంగా ఎన్టీఆర్ పేరు మారుమ్రోగిపోతుంది. అయితే ఎన్టీఆర్ మరో అరుదైన ఘనత సాధించడంతో నందమూరి ఫ్యాన్స్ ఫుల్ ఖుషి అవుతున్నారు.
