టాలీవుడ్ స్టార్ డైరెక్టర్ కొరటాల శివ డైరెక్షన్లో ఎన్టీఆర్ నటిస్తున్న మూవీ దేవర.. పాన్ ఇండియా లెవెల్ లో తెరకెక్కుతున్న ఈ సినిమాపై భారీ స్థాయిలో అంచనాలు ఉన్నాయి. టాలీవుడ్ నుంచి బాలీవుడ్ వరకు తనకంటూ ప్రత్యేక గుర్తింపు తెచ్చుకున్న ఎన్టీఆర్ ఈ సినిమాపై ఎన్నో అంచనాలు పెట్టుకున్నాడు అంతేకాకుండా ఈ సినిమా కోసం ఆయన ఏకంగా ఎనిమిది కేజీల బరువు కూడా తగ్గాడు అంటూ అప్పట్లో పలు వార్తలు కూడా బయటకు వచ్చాయి.
ఇక అయితే ఇప్పుడు ఈ సినిమాకు సంబంధించి మరో క్రేజీ వార్త బయటకు వచ్చింది. భారతీయ చిత్ర పరిశ్రమలో స్టార్ హీరోయిన్ శ్రీదేవికి ఎలాంటి క్రేజ్ ఫ్యాన్ ఫాలోయింగ్ ఉందో అందరికి తెలిసిందే. ఆమె మరణం అందరికీ ఎంతో బాధ‌ని కూడా కలిగించింది. ఇప్పటికీ ఆమె మరణం పెద్ద మిస్టరీగానే మిగిలిపోయింది. అయితే ఇప్పుడు ఎన్టీఆర్ దేవర సినిమాలో ఆయనకు జంటగా శ్రీదేవి కూతురు జాన్వీ కపూర్ హీరోయిన్గా నటిస్తుంది. అయితే ఈ సినిమాలో జాన్వీ కపూర్ కూడా చాలా న్యాచురల్ లుక్స్‌ లో పల్లెటూరు వాతావరణం లో పెరిగిన అమ్మాయిల తన అమ్మను గుర్తు చేయబోతుందట.
అంతేకాకుండా శ్రీదేవి కెరీర్ మొదటిలో చేసిన 16 ఏళ్ల వయసు సినిమాల్లో కూడా ఆమె ఇలాగే నటించింది అంతేకాకుండా ఇప్పుడు దేవర సినిమాలో జాన్వీ కపూర్ కనిపించే చాలా సీన్స్ ఆ సినిమాకు దగ్గరగా ఉండబోతున్నాయంటూ ఓ వార్త ఇప్పుడు సోషల్ మీడియాలో తెగ వైరల్ అవుతుంది. ఈ విషయం తెలుసుకున్న శ్రీదేవి అభిమానులు మరోసారి అతిలోకసుందరిని తన కూతురు రూపంలో చూడబోతున్నామంటూ ఈ సినిమాపై అంచనాలు పెంచేస్తున్నారు.
