Jr NTR: యంగ్ టైగర్ ఎన్టీఆర్ డబుల్ హ్యాట్రిక్తో ఫుల్ జోష్‌లో ఉన్నాడు. ‘టెంపర్, నాన్నకు ప్రేమతో, జనతా గ్యారేజ్, జైలవకుశ, అరవింద సమేత, ట్రిపులార్’.. ఇలా వరుసగా ఆరు సూపర్ హిట్ సినిమాలతో సెన్సేషన్ క్రియేట్ చేసాడు. ప్రస్తుతం రెండు కొత్త ప్రాజెక్ట్స్ లైన్‌లో పెట్టాడు.
కొరటాల శివ దర్శకత్వంలో తన 30వ సినిమా చెయ్యబోతున్నాడు తారక్. కొరటాల ఫ్రెండ్ సుధాకర్ మిక్కిలినేని ఈ సినిమాతో నిర్మాతగా పరిచయమవుతున్నాడు. అలాగే అన్నయ్య కళ్యాణ్ రామ్ ఎన్టీఆర్ట్స్ బ్యానర్ కూడా నిర్మాణంలో పాలుపంచుకుంటోంది.
తర్వాత ‘కె.జి.యఫ్’ ఫేమ్ ప్రశాంత్ నీల్‌తో సినిమా కన్ఫమ్ అయిపోయింది. మైత్రీ మూవీ మేకర్స్ ప్రొడ్యూస్ చేయబోయే ఈ మూవీలోనూ కళ్యాణ్ రామ్ పార్ట్‌నర్.. తారక్ 30, 31వ సినిమాలకు కళ్యాణ్ రామ్ కూడా వన్ ఆఫ్ ది ప్రొడ్యూసర్. గతంలో కళ్యాణ్ రామ్ నిర్మించిన ‘కిక్ 2’ బిజినెస్ విషయంలోనూ ఎన్టీఆర్ అన్నయ్యకి హెల్ప్ చేసాడనే టాక్ ఉంది. తర్వాత హోమ్ బ్యానర్‌లో ‘జైలవకుశ’ చేసాడు. ఇకనుండి జూనియర్ ఎన్టీఆర్ ఏ బ్యానర్‌లో సినిమా చేసినా అందులో ఎన్టీఆర్ ఆర్ట్స్ కూడా భాగమవుతుందని తెలుస్తోంది.
Leave a comment