హీరో నితిన్ కి స్టార్ హీరోయిన్స్ తో జత కట్టటం కొత్తేమీ కాదు.. ఇప్పటిదాకా మంచి ఫామ్ లో ఉన్న హీరోయిన్స్ చాలా మందితోనే జత కట్టాడు. ఇలియానా, జెనీలియా వంటి భామలతో జోడీగా మంచి హిట్ లు కూడా కొట్టాడు. ఇష్క్ సినిమాలో నిత్యా మీనన్ తో చేసిన తర్వాత మళ్ళీ పెద్దగా పెద్ద హీరోయిన్స్ వైపు చూడలేదు అనిపించింది.
కానీ, ఆ సస్పెన్స్ కి ఇప్పుడు తెర వేయబోతున్నాడు నితిన్. ఈ మధ్య రిలీజ్ అయిన ‘చెక్’ సినిమాలో రకుల్ ప్రీత్ సింగ్ తో.. ఆ తర్వాత తమిళ్ లో మంచి హిట్లు కొడుతున్న కీర్తి సురేష్ కి జంటగా రంగ్ దే సినిమాలో నటించాడు. ఇప్పుడు వాళ్ళ కన్నా మంచి ఫామ్ లో, క్రేజీ ఫాలోయింగ్ తో దూసుకుపోతున్న పూజా హెగ్డేకి జంటగా నటించబోతున్నాడు నితిన్.
వక్కంతం వంశీ ఈ సినిమాని డైరెక్ట్ చేయబోతున్నట్లు తెలుస్తుంది. నితిన్ కి ఒక స్వంత బ్యానర్ కూడా ఉంది. అదే శ్రేష్ట్ మూవీస్. ఆ బ్యానర్ కిందనే ఈ సినిమా చేయబోతున్నట్లు.. ఇందుకోసం పూజాని సంప్రదించినట్లు కూడా తెలిసింది. ఐతే, ఈ మూవీ కోసం పూజా చాలా పెద్ద మొత్తం రెమ్యూనరేషన్ కింద తీసుకోబోతున్నట్లు తెలుస్తోంది. పూజ కాస్త అడ్వాన్స్ తీసుకుని ఈ ప్రాజెక్ట్ కి సైన్ కూడా చేసిందట!
Leave a comment