స్టార్ హీరోయిన్ పూజా హెగ్దే గురించి కొత్తగా పరిచయం అవసరం లేదు. టాలీవుడ్ నుంచి బాలీవుడ్ వరకు వరుస స్టార్ హీరోలతో నటించి తనకంటూ ప్రత్యేక గుర్తింపుని తెచ్చుకుంది… అయితే ఈ ముద్దుగుమ్మకు కొంతకాలంగా ఆమె చేసిన సినిమాలు అసలు కలిసి రావడం లేదు. దీంతో ఆఫర్లు కూడా తగ్గుతూ వచ్చాయి. అదే విధంగా క్రేజ్ కూడా భారీగా పడిపోయింది. దీంతో చేతిలో ఉన్న సినిమాలు కూడా జారిపోయాయి.
సూపర్ స్టార్ మహేష్ కు జంటగా నటించాల్సిన గుంటూరు కారం చిత్రం నుంచి పూజా తప్పుకున్న విషయం తెలిసిందే. ఆ తర్వాత నుంచి బుట్ట బొమ్మ దగ్గర నుంచి ఎలాంటి అప్డేట్ రాలేదు. అయితే ఇప్పుడు తాజాగా పూజ హెగ్దే సోష‌ల్ మీడియ‌లో పంచుకున్న కొన్ని ఫోటోలకు ఇంట్రెస్టింగ్ క్యాప్షన్ లు అయితే ఇచ్చింది. బ్లాక్ శారీలో మెరిసిన ఈ ముద్దుగుమ్మ తన అందంతో కట్టిపడేసింది. అలాగే తన లేటెస్ట్ లుక్‌కు ఇచ్చిన క్యాప్షన్ తో అందరిలో కొత్త ఆలోచనలు పుట్టించింది.
‘పొట్లంకట్టిన బిర్యానీకి, బొట్టు బిళ్ల పెట్టినట్టు’ అనే లిరిక్స్ ను రాసుకు వచ్చింది. ‘అలా వైకుంఠపురం‘లోని సాంగ్‌ను మరోసారి గుర్తు చేసింది. అయితే అల్లు అర్జున్, త్రివిక్రమ్ కాంబోలో నాలుగో సినిమా రాబోతున్న విషయం అందరికీ తెలిసిందే. ఈ క్రమంలో ఇలాంటి క్యాప్షన్ ఇచ్చి వారిద్దరికీ తనను గుర్తు చేసుకుంటుందా? అంటూ నెటిజెన్లు కామెంట్లు పెడుతున్నారు. ఇక మరి త్రివిక్రమ్, బన్నీకి జంటగా మరోసారి పూజాను తీసుకుంటారా లేదా అనేది చూడాలి.
