ప్రభాస్ అభిమానులు విపరీతంగా ఎదురు చూస్తున్న సినిమాలలో రాధే శ్యామ్ ఒకటి. బాహుబలి తర్వాత ప్రభాస్ చేస్తున్న ప్రతీ సినిమా ఆటోమేటిగ్గా ఫాన్స్ లో ఎంతో ఉత్సాహాన్ని తీసుకువస్తుంది. ఐతే, ఇప్పటిదాకా ప్రభాస్ బాహుబలి కనిపించిన తీరుకి, తర్వాత సాహోలో కనిపించిన విధానానికి, ఇప్పుడు రాబోతున్న సలార్ కి కూడా చాలా తేడా ఉందనే చెప్పాలి. ముఖ్యంగా కథల విషయంలో ఈ సినిమాలు వేటికవే ప్రత్యేకం.
కానీ ప్రభాస్ అభిమానులు రాధే శ్యామ్ సినిమా కథతో కాస్త నిరాశగా ఉన్నారని తెలుస్తుంది. ఎందుకంటే.. ఈ సినిమాకి సంబంధించిన కథాంశం ఇప్పటికే లీక్ అయినట్టు తెలుస్తుంది. ఈ కథ ప్రకారం రాధే శ్యామ్ లో హీరోయిన్ గా నటిస్తున్న పూజా హెగ్డే చివర్లో చనిపోతుంది అని ఆ లీక్ అయిన కథలో తెలియడమే.
ప్రభాస్ అభిమానులు కథని అలా చూడాలనుకోవటం లేదు. అందుకే వాళ్ళు కాస్త నిరాశ చెందుతున్నట్లు తెలుస్తుంది. ఇప్పటిదాకా.. ప్రభాస్ చేసిన కథలకు ఈ కథ భిన్నంగా ఉంటుందన్న విషయం కాస్త ఆసక్తికి కూడా గురి చేస్తుంది. ఈ సినిమాలో కృష్ణం రాజు, ప్రియదర్శి, భాగ్యశ్రీ, మురళీ శర్మలు ప్రధాన పాత్రల్లో కనిపించబోతున్నారు. ఈ దసరాకి సినిమాని ప్రేక్షకుల ముందుకి తీసుకురానున్నట్లు తెలుస్తోంది.
Leave a comment