Raghava Lawrence: పాపులర్ కొరియోగ్రాఫర్, యాక్టర్ కమ్ డైరెక్టర్ రాఘవ లారెన్స్ హీరోగా ఫుల్ బిజీగా సినిమాలు చేస్తున్నారు. కోలీవుడ్‌లో ఎస్.కథిరీశన్ దర్శకత్వంలో ‘రుద్రన్’ అనే యాక్షన్ థ్రిల్లర్ చేస్తున్నారు. ఈ టైటిల్‌కి Evils is Not Born.. it is Created అనే ఇంట్రెస్టింగ్ ట్యాగ్‌లైన్ పెట్టారు.
తెలుగులో ‘రుద్రుడు’ అనే పేరు ఖరారు చేశారు. ప్రియా భవానీ శంకర్ కథానాయిక కాగా శరత్ కుమార్ కీలకపాత్రలో కనిపించనున్నారు. ఫైవ్ స్టార్ క్రియేషన్స్ LLP సంస్థ నిర్మిస్తోంది. ఈమధ్య రిలీజ్ చేసిన ఫస్ట్ లుక్ పోస్టర్‌లో లారెన్స్ యాంగ్రీ అవతార్ చూసి ఆడియన్స్ షాక్‌తో కూడిన సర్‌ప్రైజ్‌కి గురయ్యారు. ఇప్పుడు సెకండ్ లుక్ వదిలారు. దీంతోపాటు విడుదల తేది కూడా ఖరారు చేశారు.
క్రిస్మస్ కానుకగా డిసెంబర్ 23న తమిళ్, తెలుగు, కన్నడ, మలయాళ భాషల్లో గ్రాండ్‌గా రిలీజ్ చెయ్యబోతున్నారు. డిఫరెంట్ స్టోరీతో తెరకెక్కుతున్న ఈ మూవీలో లారెన్స్ పర్ఫార్మెన్స్ సరికొత్తగా ఉండబోతుందని మూవీ టీమ్ చెప్తున్నారు. ఈ మూవీకి జి.వి.ప్రకాష్ కుమార్ సంగీతమందిస్తున్నారు.
Leave a comment