Ranga Ranga Vaibhavanga: మెగా మేనల్లుడు పంజా వైష్ణవ్ తేజ్ హీరోగా నటిస్తున్న మూడవ సినిమా ‘రంగ రంగ వైభవంగా’.. ‘రొమాంటిక్’ బ్యూటీ కేతిక శర్మ హీరోయిన్. తెలుగు ‘అర్జున్ రెడ్డి’ ని తమిళ్‌లో ‘ఆదిత్య వర్మ’ గా రీమేక్ చేసిన గిరీశయ్య డైరెక్ట్ చేస్తున్నారు.
సీనియర్ ప్రొడ్యూసర్ BVSN ప్రసాద్ ప్రొడ్యూస్ చేస్తున్న ఈ ఫిలింకి రాక్ స్టార్ డీఎస్పీ మ్యూజిక్ కంపోజ్ చేస్తున్నారు. టైటిల్‌తో పాటు ఇటీవల రిలీజ్ చేసిన హీరో హీరోయిన్ల క్యారెక్టర్ తాలూకు లుక్స్ సినిమా మీద పాజిటివ్ వైబ్స్ తీసుకొచ్చాయి. సోమవారం ‘రంగ రంగ వైభవంగా’ టీజర్ రిలీజ్ చేశారు.
‘ఉప్పెన’, ‘కొండపొలం’ సినిమాల్లో గ్రామీణ నేపథ్యంలో కొనసాగే ప్రేమకథల్లో నటించిన వైష్ణవ్.. ఈ సినిమాలో అర్బన్ బ్యాక్‌డ్రాప్‌లో, ఫస్ట్ టైమ్ క్లాస్ క్యారెక్టర్‌లో కనిపిస్తున్నాడు. వైష్ణవ్, కేతికల కెమిస్ట్రీతో పాటు వాళ్ల రిలేషన్, గొడవలు, రివేంజ్ వంటి అంశాలు ఆసక్తికరంగా అనిపిస్తున్నాయి.
శ్యామ్ దత్ విజువల్స్, దేవి శ్రీ బ్యాగ్రౌండ్ స్కోర్ అలరించేలా ఉన్నాయి. టీజర్‌ని బట్టి ‘రంగ రంగ వైభవంగా’ యూత్ ఫుల్ ఎంటర్‌టైనర్ అని అర్థమవుతుంది. పర్ఫార్మెన్స్ పరంగానూ, ఫేషియల్ ఎక్స్‌ప్రెషన్స్ ఇవ్వడంలోనూ వైష్ణవ్‌లో మెచ్యూరిటీ కనిపిస్తోంది. ప్రస్తుతం రెగ్యులర్ షూటింగ్ జరుపుకుంటున్న ఈ మూవీ రిలీజ్ డేట్ త్వరలో అనౌన్స్ చెయ్యనున్నారు.
Leave a comment