RRR – రౌద్రం, రణం, రుధిరం. జక్కన్న రాజమౌళి దర్శకత్వంలో వస్తున్న మరో భారీ చిత్రం. రామ్ చరణ్, జూనియర్ ప్రధాన హీరోలుగా నటిస్తున్న విషయం తెలిసిందే. అలియా భట్ తో పాటు అజయ్ దేవగన్ కూడా ఈ తెలుగు సినిమా ద్వారా సౌత్ లో తమ అదృష్టం పరీక్షించుకోవాలి అనుకుంటున్నారు. వాళ్ళ చేరికతో పాటు కొందరు విదేశీ నటులు కూడా కీలక పాత్రల్లో కనిపిస్తారన్న వార్తతో అభిమానులకి సినిమాపై మరిన్ని అంచనాలు పెరిగాయి.
కరోనా సెకండ్ వేవ్ కూడా కాస్త కుదుటపడటంతో తెలంగాణలో లాక్ డౌన్ నిబంధనల్ని తీసేయడం జరిగింది. ఫలితంగా ఈ సినిమా కూడా షూటింగ్ ని ముందుకు తీసుకెళ్లడం కోసం మళ్ళీ ఈ రోజునుండి హైదరాబాద్ లో పనులు కొనసాగించనున్నారు. భారీ బడ్జెట్ లో ఒక పాటని షూట్ చేయబోతున్నట్లు సమాచారం. DVV దానయ్య ఈ సినిమాని నిర్మిస్తుండగా, MM కీరవాణి సంగీతం అందిస్తున్నారు. అక్టోబర్ 13 నాటికి ఈ సినిమాని తెలుగు, తమిళ్, హిందీ, మలయాళం , కన్నడ భాషలలో విడుదల చేయనున్నారు.
Leave a comment