చిత్ర పరిశ్రమల్లో కొన్ని క్రేజీ కాంబినేషన్లు ఉంటాయి.. అలాంటి కాంబోలో మహేష్ – సాయి పల్లవి కాంబినేషన్ కూడా ఒకటి. వీరిద్దరూ కలిసి ఒక సినిమా చేస్తే చూడాలని అభిమానులు ఎప్పటినుంచో ఆశ‌ప‌డుతున్న‌రు. కానీ ఆ సమయం మాత్రం రావడం లేదు. గతంలో మహేష్ – సాయి పల్లవిల కాంబోలో రెండు బ్లాక్ బస్టర్ సినిమాలు మిస్సయ్యాయి. వింటుంది నిజమే.. ఆ మిస్సయిన సినిమాలు ఏమిటో ఇక్క‌డ చూద్దాం. ఫిదా సినిమాతో నాచురల్ బ్యూటీ సాయి పల్లవి టాలీవుడ్‌కి పరిచయమైంది.
శేఖర్ కమ్ముల దర్శకత్వంలో వచ్చిన ఈ సినిమాలో మెగా ప్రిన్స్ వరుణ్ తేజ్, సాయి పల్లవి జంటగా నటించారు. దిల్ రాజు ఈ సినిమాను నిర్మించారు. 2017లో ప్రేక్షకుల ముందుకు వచ్చిన ఈమూవీ యూత్ ఫుల్ ఫ్యామిలీ ఎంటర్టైనర్‌గా ప్రేక్షకులను ఎంత‌గానో ఆకట్టుకుంది అదే విధంగా బాక్సాఫీస్ వద్ద బ్లాక్ బస్టర్ హిట్‌గా నిలిచింది. ఇక తన తొలి సినిమాతోనే సాయి పల్లవి టాలీవుడ్‌ను మాయ చేసింది.. ఈ క్రమంలోనే దర్శకుడు శేఖర్ కమ్ముల ఈ సినిమాను ముందుగా సూపర్ స్టార్ మహేష్ బాబు తో చేయాలనుకున్నాడట.
మహేష్ కు కూడా ఈ కథ బాగా నచ్చిందట. కానీ ఇతర సినిమా షూటింగ్స్‌లో బిజీగా ఉండటంవల్ల మహేష్ ఈ సినిమాను వదులుకోవాల్సి వచ్చింది. అలా మహేష్ – సాయి పల్లవి కాంబోలో ఈ సూపర్ హిట్ సినిమా మిస్సయింది. ఆ తర్వాత మళ్లీ వీరిద్దరి కాంబోలో మరో బ్లాక్ బస్టర్ మూవీ తప్పిపోయింది. ఆ సినిమా మరి ఏదో కాదు సరిలేరు నీకెవ్వరు. దర్శకుడు అనిల్ రావుపూడి – మహేష్ కాంబోలో వచ్చిన ఈ సినిమా సూపర్ హిట్‌గా నిలిచింది. ఈ సినిమాలో రష్మిక హీరోయిన్‌గా నటించింది.
అయితే ముందుగా ఈ సినిమాలో హీరోయిన్ పాత్ర కోసం మూవీ యూనిట్ సాయి పల్లవినేే అనుకున్నార‌ట. ఈ సినిమా స్టోరీ విన్న సాయి పల్లవి అందులో హీరోయిన్ పాత్రకు పెద్దగా ప్రాధాన్యత లేదున్నే కారణంగా ఈ సినిమాకు నో చెప్పింది. ఈ విధంగా రెండోసారి కూడా మహేష్ – సాయి పల్లవి కాంబోలో రెండో సినిమా మిస్ అయింది. అయితే ఇప్పుడు మహేష్, రాజామౌళి కొంబోలో వ‌చ్చే మూవీలో సాయిప‌ల్ల‌వి ఓ కీల‌క పాత్ర‌లో నంటించ‌బోతుంది అనే టాక్ కూడా ప్ర‌స్తుతం వైర‌ల్‌గా మ‌రింది. అయితే రాబోయే రోజుల్లో వీరి కాంబోలో ఎలాంటి మూవీ వ‌స్తుందో చూడాలి.
