Sammathame Trailer: ‘రాజావారు రాణిగారు’ మూవీతో హీరోగా ఇంట్రడ్యూస్ అయిన కిరణ్ అబ్బవరం ఫస్ట్ సినిమాతోనే మంచి గుర్తింపు తెచ్చుకున్నాడు. ‘ఎస్ఆర్ కళ్యాణమండపం’ తో యాక్టర్‌గానే కాకుండా రైటర్‌గానూ మంచి పేరు తెచ్చుకున్నాడు. మూడో సినిమా ‘సెబాస్టియన్’ అంచనాలను అందుకోలేకపోయింది.
ఇప్పుడు ‘సమ్మతమే’ అనే బ్యూటిఫుల్ రొమాంటిక్ ఎంటర్‌టైనర్‌తో రాబోతున్నాడు. ఇప్పటివరకు రిలీజ్ చేసిన ప్రోమోస్, సాంగ్స్ ఆకట్టుకున్నాయి. గురువారం ‘సమ్మతమే’ థియేట్రికల్ ట్రైలర్ KTR రిలీజ్ చేశారు. సినిమా మంచి విజయం సాధించాలని మూవీ టీంకి విషెస్ తెలియజేశారు.
ఇక ట్రైలర్ విషయానికొస్తే.. కిరణ్ అబ్బవరం తన స్టైల్ ఆఫ్ యాక్షన్ అండ్ డైలాగ్ డెలివరీతో ఆకట్టుకున్నాడు. కిరణ్, చాందిని చౌదరిల కెమిస్ట్రీ బాగుంది. క్లుప్తంగా కథ చెప్పే ప్రయత్నం చేశారు. డైలాగ్స్, విజువల్స్, సాంగ్స్‌తో పాటు బ్యాగ్రౌండ్ స్కోర్ అలరించే విధంగా ఉన్నాయి. జూన్ 24న ప్రముఖ డిస్ట్రిబ్యూషన్ సంస్థ గీత ఫిలింస్ ‘సమ్మతమే’ సినిమాని ప్రేక్షకుల ముందుకు తీసుకొస్తుంది.
Leave a comment