సంక్రాంతికి ప్రేక్షకుల ముందుకి సర్కారు వారి పాట!

వరుస హిట్లతో దూసుకుపోతున్న మహేష్ బాబు మరో హిట్ తో తన అభిమానుల ముందుకు రాబోతున్నాడు సర్కారు వారి పాట సినిమాతో. ఒక సామాజిక సమస్యని ప్రధాన కథాంశంగా తీసుకుని ఈ మూవీ తెరమీదకి వస్తుందని చెప్తున్నారు మూవీ టీం. దర్శకుడు పరుశురామ్ కూడా మహేష్ తో సినిమా చేసే అవకాశం వచ్చినందుకు చాలా గ్రేట్ ఫుల్ గా ఉన్నాడు. ఇప్పటిదాకా ఆయన చేసిన గీతా గోవిందం మంచి హిట్ టాక్ తెచ్చుకోవడంతో పరుశురామ్ కి మహేష్ ఈ అవకాశం ఇచ్చినట్లు తెలుస్తోంది.

ఆగస్ట్ 9 న మహేష్ బాబు పుట్టినరోజు కూడా ఉండటంతో.. ఆ సంధర్భంగా టీజర్ విడుదల చేసే అవకాశం కనిపిస్తోంది. ఈ మూవీ వరుసగా హిట్ సినిమాలు చేసుకుపోతున్న నేషనల్ ఫిల్మ్ అవార్డీ కీర్తి సురేష్ ఈ మూవీలో నటించబోతోంది. పక్కా మాస్ సినిమాగా వచ్చే అవకాశం కనిపిస్తుంది పోస్టర్ చూసిన తర్వాత. ఎర్ర కారు లోంచి పవర్ ఫుల్ గా కాలు బయటికి పెట్టి ఉన్న ఫోటో రిలీజ్ అయింది. ఇక ఇప్పటికే మాస్ లుక్ లో చెవికి పోగు.. మెడ మీద రూపాయి టాటూ వేసుకుని కనిపించిన పోస్టర్ వైరల్ ఐన విషయం తెలిసిందే.

ఐతే, అదే సంక్రాంతి పెద్ద హీరోలైన ప్రభాస్, పవన్ కళ్యాణ్ ల నుంచి కూడా సినిమాలు వస్తున్న విషయం తెలిసిందే. ప్రభాస్ రాధే శ్యామ్ తో ప్రేక్షకులని పలకరించాలి అనుకుంటుంటే.. ఇక పవర్ స్టార్ పవన్ కళ్యాణ్ అయ్యప్పనుమ్ కోషియుమ్ రిలీజ్ చేసే పనిలో ఉన్నారు. ఇక ఈ ముగ్గురు బడా హీరోల సినిమాలు ఒకదానితో ఒకటి ఎలా పోటీ పడతాయో చూడాలి మరి.