Sita Ramam Teaser: మలయాళ స్టార్.. తెలుగు, తమిళ్, హిందీలోనూ నటించి వెర్సటైల్ యాక్టర్‌గా ప్రూవ్ చేసుకున్న దుల్కర్ సల్మాన్.. ‘మహానటి’ తర్వాత స్ట్రైట్ తెలుగు సినిమా చేస్తున్నారు. ‘అందాల రాక్షసి, ‘కృష్ణగాడి వీర ప్రేమగాథ’, ‘పడిపడిలేచే మనసు’ వంటి విభిన్నమైన ప్రేమకథా చిత్రాలతో ఆకట్టుకున్న హను రాఘపూడి డైరెక్ట్ చేస్తున్నారు.
వైజయంతి మూవీస్ సమర్పణలో, స్వప్న సినిమా బ్యానర్ మీద అశ్వనీదత్ నిర్మిస్తున్నారు. మృణాల్ ఠాకూర్ కథానాయిక. ప్రేమకీ యుద్ధానికీ ముడిపెడుతూ అపురూప దృశ్యకావ్యంగా తెరకెక్కుతున్న ఈ సినిమాకి ‘సీతా రామం’ అనే అందమైన, ఆకట్టుకునే పేరు పెట్టినప్పటినుండే ఇదో ఫీల్ గుడ్ ఫిలిం అనే సంకేతాలు వచ్చాయి.
శనివారం ‘సీతా రామం’ టీజర్ రిలీజ్ చేశారు. ఆద్యంతం అలరిస్తూ, అంచనాలు పెంచేసిందీ టీజర్.. 1965లో కథ జరుగుతున్నట్లు ప్రారంభంలో చూపించారు. దుల్కర్, మృణాల్ పెయిర్ చాలా చక్కగా ఉంది. క్లుప్తంగా హీరో హీరోయిన్ల మధ్య సంబంధం ఏంటనేది చూపించారు. డైలాగ్స్, విజువల్స్, బ్యాగ్రౌండ్ స్కోర్ చక్కగా కుదిరాయి. ఆగస్టు 5న తెలుగు, తమిళ్, మలయాళం భాషల్లో ‘సీతా రామం’ ప్రేక్షకుల మందుకు రానుంది.
Leave a comment