Sitara: మహేష్ బాబు, న‌మ్రత‌ల ముద్దులు కూతురు సితార గురించి ప్ర‌త్యేక ప‌రిచ‌యాలు అక్క‌ర్లేదు. ఒక్క సినిమా చేయ‌క‌పోయిన కూడా స్టార్ హీరోయిన్‌ని మించిన క్రేజ్ దక్కించుకుంది. చిన్న వ‌య‌స్సులోనే సోష‌ల్ మీడియాలో చాలా యాక్టివ్‌గా ఉంటూ అందరి దృష్టిని ఆక‌ర్షించింది. ఇక ఇటీవ‌ల ఇంటర్నేష‌న‌ల్ బ్రాండ్ అంబాసిడర్గా మారింది. చిన్నవ‌యస్సులోనే అతిపెద్ద యాడ్ కాంట్రాక్‌పై సైన్ చేసిన మొదటి భారతీయ స్టార్ట్ కిడ్‌గా నిలిచింది సితార. ప్రతిష్టాత్మక జ్యువెలరీ బ్రాండ్ పీఎంజీ జ్యువెలరీకి బ్రాండ్ అంబాసిడర్గా సితార ఉండ‌గా, ఇటీవ‌ల న్యూయార్క్ టైం స్క్వేర్ స్ట్రీట్ లో సితార హోర్డింగ్స్ క‌నిపించాయి. ఇది చూసి మహేష్, న‌మ్ర‌త‌లు ఫుల్ ఖుష్ అయ్యారు.
అయితే ఆ యాడ్ కోసం సితార ఏకంగా కోటి రూపాయ‌ల రెమ్యున‌రేషన్ తీసుకున్న‌ట్టు వార్తలు వచ్చాయి. చిన్న వ‌య‌స్సులోనే సితార అంత ఎద‌గ‌డం చూసి అభిమనులు, ఆమె కుటుంబ స‌భ్యులు ఫుల్ ఖుష్ అవుతున్నారు.అయితే సితార త్వ‌ర‌లో మ‌రో ఊహించ‌ని షాక్ ఇవ్వ‌బోతుంద‌ని అంటున్నారు. తన త‌ల్లి సూచ‌న‌ల‌తో సితార ..‘మిస్ యూనివర్స్’, ‘మిస్ వరల్డ్’ పోటీలకు సిద్ధం అవుతుందని ప్ర‌చారం న‌డుస్తుంది. దీనిపై స్పందించిన ఘ‌ట్ట‌మ‌నేని కాంపౌండ్.. త‌న‌కు ఆ పోటోల్లో పాల్గొనేందుకు ఇంకాస్తా సమయం పడుతుందని, పోటీల్లో పాల్గొనేందుకు కావాల్సిన అర్హతలు సితార సాధించాల్సి ఉందని చెప్పుకొచ్చారు.
ఇక సితార సోష‌ల్ మీడియాలో ఎంత ర‌చ్చ‌చేస్తుందో మ‌నంద‌రికి తెలిసిందే. ఇప్పటికే ఈ క్యూట్ డాల్ డాన్స్, యాక్టింగ్ సిల్స్ లో శిక్షణ తీసుకుంటుంది. అప్పుడప్పుడు తన డాన్స్ రీల్స్ తో, క్యూట్ ఫొటోషూట్లతో అల‌రిస్తూ ఉంటుంది. చూస్తుంటే ఆమె త్వ‌ర‌లో హీరోయిన్‌గా ప‌రిచ‌యం అయిన ఆశ్చ‌ర్య‌పోన‌క్క‌ర్లేదు. సితార జోరు చూస్తుంటే ఆమె తండ్రిని మించిన కూతురు అవుతుందని అభిమానులు, నెటిజన్లు కామెంట్స్ చేస్తున్నారు. ఇక సితార ఇన్‌స్టాగ్రామ్‌లో ఇప్పటికే 12లక్షలకు పైగానే ఫాలోవర్స్‌ ఉన్నారు. అంతేకాదు డైరెక్టర్‌ వంశీ పైడిపల్లి కూతురు ఆద్యతో కలిసి సితార సొంతంగా ఓ యూట్యూబ్‌ ఛానెల్‌ కూడా నిర్వహిస్తోంది. అప్పుడప్పుడు ఇందులో ఆసక్తికర వీడియోలు షేర్ చేస్తూ ఉంటుంది.
