సోనూ సూద్ మంచి నటుడిగా మాత్రమే కాదు.. ఒక స్వార్థం లేని గొప్ప మానవతా వాదిగా కూడా తనని తాను ప్రూవ్ చేసుకుంటున్నాడు. సినిమాల ద్వారా తను సంపాదించిన డబ్బుని.. గొప్ప గొప్ప పనులు చేయడానికి ఉపయోగిస్తున్నాడు. ఇప్పటిదాకా ఇలా చేసిన పనులు చాలానే ఉన్నాయి. ఒక పేదింటికి ట్రాక్టర్ పంపించడం, ఎవరికైనా చదువుకోడానికి డబ్బులు లేకపోతే వాళ్ళకి ఆర్థిక సాయం చేయడం, ఉన్నపళంగా బయటికి వచ్చి ఒక సామాన్యుడిలా కనిపించడం వంటివన్నీ చేస్తున్నాడు. ఇలాంటి పనులన్నీ.. అతన్ని మీడియా చేత ‘రియల్ హీరో’ అనిపిస్తున్నాయి.
ఐతే, సోనూ సూద్ ఈ మధ్య చేసిన మరో గొప్ప పని ఇప్పుడు అందరి దృష్టినీ ఆకర్షిస్తుంది. అదే.. మన నెల్లూర్ కి ఆయన ఒక ఆక్సిజన్ ప్లాంట్ ని పంపించాడన్నమాట. దాన్ని అక్కడి వాళ్ళు రిసీవ్ చేసుకుని.. బాణాసంచా కాల్చి.. సోనూ సూద్ కి ప్రత్యేకంగా అభినందనలు తెలుపుకున్నారు. సోనూ సూద్ పట్ల వాళ్ళకి ఎంత అభిమానం ఉందో ఇట్టే తెలిసిపోతుంది. ఎక్కడ ఎవరు కష్టాల్లో ఉన్నా.. తన శక్తి మేర అందరికీ ఇలా సహాయపడుతూ.. సోనూ సూద్ అందరినీ ఆశ్చర్యానికి గురి చేస్తున్నాడు.
Leave a comment