Alluri First Look: కెరీర్ స్టార్టింగ్ నుండి డిఫరెంట్ స్టోరీస్, ఛాలెంజింగ్ క్యారెక్టర్స్ చేస్తూ.. ఇండస్ట్రీలో నటుడిగానూ.. ప్రేక్షకుల్లో ప్యాషనేట్ ఆర్టిస్ట్‌గానూ గుర్తింపు తెచ్చుకున్నాడు.. యంగ్ అండ్ టాలెంటెడ్ యాక్టర్ శ్రీ విష్ణు. ఇటీవల తను చేసిన ‘గాలి సంపత్’, ‘అర్జున ఫల్గుణ’, ‘భళాతందనాన’ సినిమాలు ప్రేక్షకులను నిరాశ పరిచాయి.
ఇప్పుడు మరో డిఫరెంట్ ఫిలింతో ఆడియన్స్ ముందుకు రాబోతున్నాడు. కెరీర్‌లో ఫస్ట్ టైం పోలీస్ క్యారెక్టర్ చేస్తున్నాడు. లక్కీ మీడియా బ్యానర్ మీద అభిరుచిగల నిర్మాత బెక్కం వేణు గోపాల్ నిర్మిస్తుండగా.. ప్రదీప్ వర్మ దర్శకుడిగా పరిచయమవుతున్నారు.
ఈ సినిమాకి ‘అల్లూరి’ అనే టైటిల్ ఫిక్స్ చేస్తూ.. ఫస్ట్ లుక్ రిలీజ్ చేశారు. ‘నిజాయితీకి మారుపేరు’ అనే ట్యాగ్ లైన్ పెట్టారు. శ్రీ విష్ణు పవర్ ఫుల్ కాప్‌గా సీరియస్ లుక్‌లో కనిపిస్తున్న పోస్టర్ ఆకట్టుకుంటుంది. బ్యాగ్రౌండ్‌లో వర్షం పడుతుండగా.. చేతిలో తుపాకితో దుష్టసంహారం చేస్తున్నట్టు అనిపిస్తుందీ లుక్.. ప్రస్తుతం రెగ్యులర్ షూటింగ్ జరుగుతోంది. హీరోయిన్‌తో పాటు ఇతర వివరాలు త్వరలో తెలియజేస్తామన్నారు టీమ్..
Leave a comment