సునీల్ ‘కనబడుట లేదు’ – టీజర్ రిలీజ్

‘పోలీసులకి పెద్ద విషయం మాత్రమే పెద్దదిగా కనబడుతుంది. కానీ డిటెక్టివ్ చిన్న విషయం కూడా పెద్దదిగా చూడాల్సి ఉంటుంది..’ అంటూ ఒక మర్డర్ మిస్టరీని చేధించే డిటెక్టివ్ లా కనిపించబోతున్నాడు హీరో సునీల్. కమెడియన్ నుంచి మెల్లగా హీరోగా మారిపోతున్న సునీల్ ఇందులోనూ కాస్త ప్రత్యేకంగానే కనిపిస్తున్నాడు.

కథాంశాన్ని పరిశీలించే ప్రయత్నం చేస్తే మంచి సస్పెన్స్ థ్రిల్లర్ గా ఉండబోతుందని అర్థమౌతుంది. ‘కనుబడుట లేదు’ పేరుతో వచ్చిన ఈ సినిమా టైటిల్ కి సంబంధించిన టీజర్ ని ఈ ఉదయమే రిలీజ్ చేయడం జరిగినది. శ్రీ విద్య ఈ టీజర్ ని లాంచ్ చేశారు. ఈ టీజర్ లో కనిపించిన ఒక ఫన్నీ విషయం.. జొమాటోని టమాటోగా చూపించడం.

కథ దర్శకత్వం బాలరాజు ఎమ్. నిర్మాతలు – సతీష్ రాజు, దిలీప్ కూరపాటి, శ్రీనివాస్ కిషన్, దేవీప్రసాద్ బలివాడ. మ్యూజిక్ – మధు పొన్న, ఎడిటింగ్- రవితేజ కూర్మాణ, కో-డైరెక్టర్స్ – చైతన్య వడ్లపూడి, సుధాకర్. లిరిక్స్ – చంద్రబోస్, మధు నందన, పూర్ణా చారి.