జోసెఫ్ విజయ్ చంద్రశేఖర్ అతని పూర్తి పేరు. తమిళనాట ఒక పెద్ద స్టార్. ఎన్నో ఏళ్లుగా అగ్ర కథానాయకుడిగా అక్కడ కోట్ల మంది అభిమానులని సంపాదించుకున్నాడు. వరుస హిట్లతో దూసుకుపోతున్న ఈ స్టార్ హీరో పుట్టిన రోజు ఈరోజు. 1974 జూన్ 22 న పుట్టిన ఆయన ఇప్పటికే దాదాపు 80 సినిమాల్లో నటించాడు. తండ్రి స్వయంగా తమిళ సినిమా దర్శకుడు కావడంతో విజయ్ కి చిన్నప్పటినుంచే సినిమాల్లో నటించే అవకాశం దొరికింది. విజువల్ కమ్యూనికేషన్ లో మంచి నైపుణ్యం సంపాదించాలి అనుకుని చెన్నై లోనే లయోలా కాలేజ్ లో డిగ్రీ కోసం ప్రయత్నించినా.. ఆ తర్వాత నటన మీద ఉన్న మక్కువతో నటుడిగా తన కెరీర్ స్టార్ట్ చేసాడు.
విజయ్ పుట్టిన రోజు సంధర్భంగా అతని అభిమానులు పండగ చేసుకుంటున్నారు. వాళ్ళ విషెస్ చూస్తే చాలు తమిళనాడులో విజయ్ స్టార్డమ్ ఇట్టే అర్థమైపోతుంది. నిన్ననే దళపతి 65 పేరుతో బీస్ట్ గా ఫస్ట్ లుక్ లో అబిమానులకి కనిపించాడు విజయ్. ప్రముఖులు కూడా విజయ్ కి తమ ట్విటర్ ఖాతాలలో పుట్టిన రోజు విషెస్ చెప్తున్నారు. ఎంతో యంగ్ గా కనిపించే విజయ్ కి ఇప్పటికే 47 ఏళ్లు.
ఈ సెలబ్రేషన్ సంధర్భంగా దళపతి 65 టీం సెకండ్ లుక్ ని కూడా రిలీజ్ చేసింది. ఇందులో విజయ్ హాండ్ గన్ తో, సిగార్ తో కనిపిస్తున్నాడు. వెనక హెలీకాప్టర్ లాండ్ అవుతూ కనిపించడం అభిమానులని ఆకర్షిస్తుంది. తలపతి అంటే కమాండర్. ఆ పదానికి సరైన అర్థం విజయ్ ఈ సినిమా ద్వారా ఇవ్వబోతున్నట్లు స్పష్టంగా కనిపిస్తోంది.
Leave a comment