Big B: బాలీవుడ్ మెగాస్టార్ అమితాబ్ బ‌చ్చ‌న్ గురించి ప్ర‌త్యేక ప‌రిచ‌యం అక్క‌ర్లేదు. ఎన్నో సూప‌ర్ హిట్ చిత్రాల‌లో న‌టించి అశేష ప్రేక్ష‌కాద‌ర‌ణ పొందిన బిగ్ బీ ఇప్ప‌టికీ సినిమాలు, షోస్ చేస్తూనే ఉన్నారు. 80 ఏళ్లు వ‌య‌స్సులో 20 ఏళ్ళ కుర్రాడిలా కృషి చేస్తున్నాడు. సినిమాల‌లో కీల‌క పాత్ర‌ల‌లో క‌నిపిస్తూ మెప్పిస్తున్న బిగ్ బీ ఇప్పుడు కౌన్ బనేగా కరోడ్‌పతి లేటెస్ట్ సీజన్ తో సందడి చేయనున్నాడు. అతి త్వ‌ర‌లోనే కొత్త సీజన్ మొద‌లు కానుండ‌గా, ఈ సీజ‌న్‌ని కూడా బిగ్ బీనే హోస్ట్ చేయనున్నాడు. 14 సీజన్లను సక్సెస్ ఫుల్‌గా ముందుకు తీసుకెళ్లిన బిగ్ బీ, తాజా సీజన్ ను మరింత సక్సెస్ చేయాలని అనుకుంటున్నారు.
తాజా సీజన్ కోసం బిగ్ బీ భారీ మొత్తంలో రెమ్యునరేషన్ అందుకోబోతున్న‌ట్టు తెలుస్తోంది. ఈ సీజన్ లో ఒక్కో ఎపిసోడ్ కు ఏకంగా రూ. 4 కోట్లకు పైగా రెమ్యునరేషన్ ఇవ్వ‌బోతున్నార‌ని బాలీవుడ్‌లో టాక్ న‌డుస్తుంది. 2000 సంవత్సరంలో ‘కౌన్ బనేగా కరోడ్‌పతి’ తొలి సీజన్ ప్రారంభం కాగా, దీనికి మంచి ఆద‌ర‌ణ ల‌భించింది. అప్పుడు అమితాబ్ ఒక్క ఎపిసోడ్‌కి కోటి రెమ్యునరేషన్ పుచ్చుకునేవార‌ట. ఇక 2005లో ప్ర‌సారమైన రెండో సీజ‌న్‌కి ఒక్కో ఎపిసోడ్ కు రూ. 2 కోట్లు తీసుకున్నారు. మూడో సీజన్ కు సైతం అంతే పుచ్చుకున్నార‌ట. ఇక 2010లో 4వ సీజన్ ప్రేక్షకుల ముందుకు రాగా ఆ సీజ‌న్‌లో బిగ్ బీకి కోటి రూపాయ‌లు రెమ్యునరేషన్ ఇచ్చిన‌ట్టు స‌మాచారం.
ఇక 6,7 సీజన్లలో మాత్రం అమితాబ్ రూ. 1.5 నుంచి 2 కోట్ల వరకు రెమ్యునరేషన్ తీసుకున్నారు. 8వ సీజన్ లో రూ.2 కోట్లు, తొమ్మిద‌వ సీజ‌న్‌లో రూ.2.6 కోట్లు, ప‌దో సీజ‌న్‌లో ఒక్కో ఎపిసోడ్‌కు రూ.3 కోట్లు , 11, 12, 13వ సీజన్లలో అమితాబ్ ఒక్కో ఎపిసోడ్ కోసం రూ. 3.5 కోట్లు తీసుకోగా, ఇప్పుడు 14వ సీజ‌న్‌లో మాత్రం ఏకంగా 14 కోట్లు తీసుకొని రికార్డ్ సృష్టించారు. కౌన్ బనేగా క‌రోడ్ ప‌తి షోలో సెల‌బ్రిటీలు కూడా పాల్గొన్నారు. వారిలో రాణి ముఖర్జీ, పరిణీతి చోప్రా, ప్రియాంక చోప్రా, షారూఖ్ ఖాన్, దీపికా పదుకొనే, క్రికెటర్ యువరాజ్ సింగ్, నటి విద్యాబాలన్, ఆయుష్మాన్ ఖురానా, అమీర్ ఖాన్ త‌దిత‌రులు పాల్గొన్నారు. భారత క్రికెటర్లు సౌరబ్ గంగూలీ, వీరేంద్ర సెహ్వాగ్, ఇర్ఫాన్ పఠాన్, హర్భజన్ సింగ్ సహా ప‌లువురు కూడా ఈ షోలో పాల్గొని సందడి చేశారు.
