Balayya-Sridevi: అతిలోక సుందరి శ్రీదేవి మన మధ్య లేక‌పోయిన కూడా ఆమె జ్ఞ‌పకాలు మాత్రం ఇప్ప‌టికీ అభిమానుల మ‌న‌సులలో మెదులుతూనే ఉన్నాయి. బాలనటిగా సినిమాల్లోకి ఎంట్రీ ఇచ్చిన శ్రీదేవి ఆ తరువాత హీరోయిన్ గా ఎన్నో విజయవంతమైన చిత్రాల్లో న‌టించి స్టార్ హీరోయిన్‌గా మారింది. తెలుగు, త‌మిళం, హిందీ ఇలా ప‌లు భాష‌ల‌లో త‌న న‌ట‌న‌తో మెప్పించింది. ఎంతో మంది స్టార్ హీరోల‌తో కలిసి నటించిన శ్రీదేవి టాప్ హీరోయిన్‌గా ఎదిగింది. అయితే తెలుగులో అప్ప‌టి స్టార్స్ అంద‌రితో కలిసి నటించిన శ్రీదేవి.. నందమూరి న‌ట‌సింహం బాల‌య్య‌తో ఒక్క సినిమా కూడా చేయ‌లేదు.
బాలయ్య లాంటి స్టార్ హీరోతో శ్రీదేవి సినిమా చేయ‌క‌పోవ‌డం ఇప్ప‌టికీ ఆశ్చ‌ర్య‌మే. సీనియర్ ఎన్టీఆర్ కుమారుడైన బాలకృష్ణ చిన్న వయసులోనే వెండితెర ఎంట్రీ ఇచ్చారు. తాత‌మ్మ క‌ల అనే చిత్రంతో తొలిసారి వెండితెర‌పై బాలయ్య క‌నిపించ‌గా, 1984లో వచ్చిన ‘సాహసమే జీవితం’ అనే సినిమాతో హీరోగా పరిచయం అయ్యాడు. ఇక అప్ప‌టి నుండి వెన‌క తిరిగి చూసుకోకుండా సినిమాలు చేస్తున్నాడు బాలయ్య. ఆయ‌న త‌న కెరీర్ లో ఎంతో మంది హీరోయిన్స్ తో న‌టించాడు. చైల్డ్ ఆర్టిస్టుగా నటించిన రాశి లాంటి వారితోనూ బాలకృష్ణ నటించారు. కాని అతిలోక సుందరి శ్రీదేవితో మాత్రం నటించలేదు. అయితే 1987లో దర్శకేంద్రుడు రాఘవేంద్రరావు బాలకృష్ణ, శ్రీదేవిలతో కలిసి ‘సామ్రాట్ ’అనే సినిమా తీయాల‌ని అనుకున్నాడు.
1989లో ఎ కోదండరామిరెడ్డి డైరెక్షన్లో ‘భలే దొంగ’ అనే సినిమాలో కూడా శ్రీదేవిని తీసుకోవాల‌ని అనుకున్నారు.. కానీ ఆ సమయంలో శ్రీదేవి హిందీ సినిమాలతో బిజీగా ఉండ‌డం వ‌ల‌న కుద‌ర‌లేదు. ఇక బాలకృష్ణ, శ్రీదేవిలు కలిసి రౌడీ రాముడు, కొంటె కృష్ణుడు, అనురాగదేవత అనే సినిమాల్లో క‌నిపించిన‌ప్ప‌టికీ, వారిద్ద‌రు మాత్రం క‌నిపించింది లేదు. కాగా, శ్రీదేవి.. మెగాస్టార్ తో ఎక్కువ సినిమాలు చేసింది . ఇక వెంకటేశ్. నాగార్జున‌తో కలిసి చేసింది. అయితే నందమూరి హీరో బాల‌య్య‌తో శ్రీదేవి సినిమా చేయ‌క‌పోయిన కూడా ఆమె కూతురు నందమూరి హీరో అయిన ఎన్టీఆర్ తో కలిసి దేవ‌ర అనే చిత్రం చేస్తుంది.
