తెలుగు సినిమా ఇండస్ట్రీలో యంగ్ టైగర్ ఎన్టీఆర్ తనకంటూ ఒక ప్రత్యేక స్థానాన్ని ఏర్పాటు చేసుకున్నాడు. ఈయన చేసిన చాలా సినిమాలు ఇండస్ట్రీలో విజయాలను అందుకోవడమే కాకుండా ఆయనకి సపరేట్ గా ఒక స్టార్ డమ్ అనేది తీసుకొచ్చి పెట్టాయి. మొదట్లో ఈయన చేసిన ఆది, సింహాద్రి లాంటి సినిమాలు మాస్ లో విపరీతమైన ఫ్యాన్ ఫాలోయింగ్ ను సంపాదించి పెట్టాయి. ఇక ఎన్టీఆర్ నటించిన త్రిబుల్ ఆర్ మూవీ పాన్ ఇండియా లెవెల్ లోనే కాకుండా ఆస్కార్ అవార్డును కూడా గెలుచుకుని ఎన్టీఆర్ క్రేజ్‌ని ప్రపంచవ్యాప్తంగా తీసుకువెళ్లింది.
త్రిబుల్ ఆర్ లాంటి గ్లోబల్ హిట్ తర్వాత యంగ్ టైగర్ ఎన్టీఆర్ ఇప్పుడు కొరటాల శివ దర్శకత్వంలో చేస్తున్న దేవర సినిమా మీదనే అందరి ఫోకస్ ఉంది. దీంతో ఈయనకు సంబంధించిన ప్రతి విషయం హాట్ టాపిక్‌గా మారింది. ఈ సినిమాలో ఎన్టీఆర్ తండ్రీ కొడుకులుగా ద్విపాత్రాభినయం చేస్తున్నట్టు సమాచారం. ఇప్పటికే విడుదల చేసిన లుక్‌లో చేతిలో ఆయుధంతో ఎన్టీఆర్ లుక్ ఫెర్రోషియస్‌గా ఉంది. ఈ సినిమాలో జాన్వీ కపూర్ హీరోన్‌గా నటిస్తోంది. అలాగే సైఫ్ అలీ ఖాన్ ప్రతి నాయకుడి పాత్రలో నటిస్తున్నాడు. ఇప్పటికే హాలీవుడ్ రేంజ్‌లో కొన్ని యాక్షన్ సీక్వెన్స్ చిత్రీకరించారు.
ఇక 2024 కొత్త యేడాది సందర్భంగా ఈ సినిమా నుంచి మరో అప్‌డేట్‌ను మేకర్స్ విడుదల చేసారు. ఈ సినిమా నుంచి ఎన్టీఆర్ ఫెరోషియస్ లుక్‌తో పాటు ఈ సినిమా గ్లింప్స్‌ను ఈ నెల 8న విడుదల చేస్తున్నట్టు బిగ్‌ అప్డేట్ ఇచ్చారు. ఇక తాజాగా ఇప్పుడు ఈ సినిమాలో న‌టిస్తున్న న‌టిన‌టుల గురించి ఓ క్రేజీ వార్త బ‌య‌ట‌కు వ‌చ్చింది. ఈ సినిమాలో టాలీవుడ్ నూంచి బాలీవుడ్‌, వ‌ర‌కు ఎంద‌రో అగ్ర నటులు న‌టిస్తున్న‌రు.
ఈ సినిమాలో నటించే నటీనటుల గురించి చెప్పాలంటే ముఖ్యంగా టాలీవుడ్ నుంచి శ్రీకాంత్ ఈ మూవీలో ఓకీలక పాత్రలో నటిస్తున్నారు. అలాగే ప్రకాష్ రాజ్, ప్రస్తుతం సౌత్ సినిమాల్లో విలన్ గా మంచి ఫేమస్ అయిన మలయాళ నటుడు షైన్ టామ్ చాకో, వీరే కాకుండా నారాయణ్, తారక్ పొన్నప్ప, అభిమన్యు సింగ్, కలైయరసన్, నిహాల్ కోఢాటి వంటి అగ్ర నటులు ఈ సినిమాలో కీలకపాత్రలో నటిస్తున్నారు.
ఇక దేవర సినిమాలో ఒక కొత్త ప్రపంచం, చాలా బలమైన పాత్రలు, అత్యంత భారీతనం చూడ‌బోతున్నం అన్నీ ఈ సినిమాలో నటించే న‌టిన‌టుల‌ను చూస్తుంటేనే అర్థ‌మావుతుంది. అందుకే ఒకే భాగంలో దేవర కథను పూర్తిగా చూపించడం కష్టమని అందుకే రెండు పార్ట్‌ల్లో దేవర సినిమా వ‌స్తుంది. రూ.300 కోట్లతో ఈ సినిమాను తెరకెక్కిస్తున్నారు. ప్రస్తుతం చిత్రీకరణ శరవేగంగా జరుగుతోంది. ఈ సినిమాకు లేటెస్ట్ మ్యూజిక్ సెన్సేషన్ అనిరుద్ సంగీతం అందిస్తున్నారు. రెండు పార్టులుగా వస్తున్న దేవర పార్ట్ 1 ఏప్రిల్ 5న ప్రేక్షకుల ముందుకు రానుంది.
