ఐకాన్ స్టార్ అల్లు అర్జున్ క్రేజీ దర్శకుడు సుకుమార్ కాంబినేషన్లో వస్తున్న పుష్ప2 షూటింగ్ ఎంతో శరవేగంగా జరుగుతుంది. ప్రస్తుతం ఈ సినిమాకు సంబంధించిన కొన్ని కీలక సన్నివేశాలను రామోజీ ఫిలిం సిటీ లో చిత్రీకరిస్తున్నట్టు తెలుస్తుంది. ఇందులో కొన్ని రాజకీయ నేపధ్యం వున్న సన్నివేశాలని అల్లు అర్జున్, రావు రమేష్ ఫహద్ ఫాజిల్, ఇంకా మరి కొంతమంది నటీనటుల మీద షూటింగ్ జరుగుతున్నట్టుగా వార్తలు వస్తున్నాయి.
అదేవిధంగా ఈ సినిమాను ఆగస్టుు 15న ప్రేక్షకుల ముందుకు తీసుకురాబోతున్నట్టు ఇప్పటికే చిత్ర యూనిట్ ప్రకటించింది.మొదటి భాగంలో బన్నీకి జంటగా నటించిన రష్మిక ఇందులో కూడా నటిస్తుంది. పుష్ప మొదటి భాగంలో సమంత ‘ఊ అంటావా మావాస ఐటమ్ సాంగ్ ఎంత హైలెట్ గా నిలిచిందో అందరికీ తెలిసిందే. ఈ సినిమా వచ్చి రెండు సంవత్సరాలు అవుతున్న ఇప్పటికే ఆ సాంగ్‌కు ఉన్న క్రేజ్ మామూలుగా లేదు అంటే ఆ పాట ఎంత హిట్ అయిందన్న విషయం తెలుస్తుంది.
అయితే ఇప్పుడు పుష్ప2లో కూడా ఒక ఐటమ్ సాంగ్ ఉంటుందని తెలుస్తుంది. ఇక ఆ పాట కోసం బాలీవుడ్ బ్యూటీ దిశా పటానినీ సంప్రదిస్తున్నారు అనే వార్తలు ప్రస్తుతం సోషల్ మీడియాలో వైరల్ గా మారాయి. బన్నీ అభిమానులు కూడా దిశాపటాని చేస్తోందని ఈ పాట కూడా మొదటి భాగంలో పాట కన్నా పెద్ద హిట్ అవుతుందని అంటున్నారు. అదేవిధంగా ఈ పాటను కూడా త్వరలోనే షూట్ చేయబోతున్నారని అంటున్నారు. ఇక మరి దిశా, సమంతను ఏమాత్రం మెప్పిస్తుందో చూడాలి.
