వంటలక్క ఈ పేరు వినగానే చాలా మందికి గుర్తుకువచ్చే సీరియల్ ‘కార్తీక దీపం’. ముఖ్యంగా ఈ సీరియల్ ద్వారా దీప క్యారెక్టర్ కి చాలా ఫ్యాన్ ఫాలోయింగ్ ఉంది. ఈ సీరియల్ చూడటానికి ఎన్నో ఇళ్ళల్లో అందరూ పనులు ముగించుకుని టీవీల ముందు కూర్చుంటారంటే నమ్మకుండా ఉండలేం. అంతలా ఈ సీరియల్ అభిమానులని సంపాదించుకుంది. ఇప్పటిదాకా 1100 పైనే ఎపిసోడ్స్ ని సక్సెస్ ఫుల్ గా పూర్తి చేసుకున్న ఈ సీరియల్ నటులకు సినిమా అవకాశాలు కూడా వస్తున్నాయి.
ఇందులో హీరోయిన్ గా ఆక్ట్ చేస్తున్న ప్రేమి విశ్వనాథ్ దీప క్యారెక్టర్ ని పోషించింది. ఆమె బ్రాండ్ వాల్యూ తెలిసిన రామ్ పోతినేని 19 వ సినిమా టీం ప్రేమి ని సంప్రదించారంట. ఆ సినిమాలో పాత్ర స్వభావం ఎలా ఉంటుందో చెప్పిన తర్వాత దీప.. సారీ.. ప్రేమి ఈ ఆఫర్ కి ఓకే చెప్పినట్లు తెలుస్తోంది. ఈ విషయానికి సంబంధించి మరింత అధికారిక సమాచారం తెలియాల్సి ఉన్నా.. ఇప్పుడిప్పుడే షూటింగ్ మొదలు పెట్టుకున్న రామ్ మూవీ రోజలు గడిచే కొద్దీ ఈ విషయాన్ని ఖరారు చేసే అవకాశం ఉంది.
ఐతే, ఈ వార్తా తెలిసినప్పటినుంచి ఆమె అభిమానులు ఈ మూవీ కోసం ఆసక్తిగా ఎదురు చూస్తున్నారు. సీరియల్ లో తమని అలరించిన దీప వెండితెర మీద ఎలా కనిపిస్తుందోనని చూడాలి అనుకుంటున్నారు. కానీ.. రామ్ తీయబోతున్న ఈ మూవీ ఎలా ఉండబోతుందో ఇంకా సమాచారం అందలేదు. అది ఒకవేళ ఫ్యామిలీ ఎంటర్టైనర్ అయితే దీపని ఇష్టపడేవాళ్ళంతా ఫ్యామిలీస్ కాబట్టి.. వాళ్ళు ఈ మూవీపై కూడా ఎక్కువ ఆసక్తి చూపించే అవకాశం ఉంది. మొత్తానికి బుల్లితెరపై నుంచి వెండి తెర మీదకు వస్తున్న ప్రేమి విశ్వనాథ్ కి సంబంధించి మరిన్ని అప్డేట్స్ అండాలి అంటే ఇంకొంతకాలం ఎదురుచూడాల్సిందే.
Leave a comment