Balayya: నంద‌మూరి బాలయ్య వ‌య‌స్సు పెరుగుతున్న కొద్ది త‌న క్రేజ్ పెంచుకుంటున్నాడు. ఒక‌వైపు సినిమాలు చేస్తూనే మ‌రోవైపు హోస్ట్ గాను అద‌ర‌గొడుతున్నాడు. ఇప్ప‌టికే అన్స్టాపబుల్ టాక్ షోలో చాలా మంది స్టార్ హీరోలతో నానా ర‌చ్చ చేసిన బాలయ్య ఇప్పుడు త‌దుప‌రి సీజ‌న్‌లో కూడా ర‌చ్చ చేయ‌బోతున్నాడు. అసలు బాలయ్య వ్యాఖ్యాతగా అన్ స్టాపబుల్ టాక్ షో ప్రకటించగా అందరు అది స‌క్సెస్ కాద‌ని అన్నారు. కాని అంద‌రి అంచ‌నాలు త‌ల‌కిందులు చేస్తూ ఈ షో మంచి హిట్ కొట్టింది. తెలుగు ఎంటర్టైన్మెంట్ యాప్ ఆహాలో ప్రసారమైన అన్ స్టాపబుల్ సీజన్ 1, 2 సూపర్ స‌క్సెస్ కావ‌డ‌మే కాకుండా భారీ టీఆర్పీతో నేషనల్ వైడ్ రికార్డులు సాధించింది ముఖ్యంగా బాలయ్య మాటతీరు, మేనరిజమ్స్, ప్రశ్నలు అంద‌రిని ఎంత‌గానో ఆకట్టుకున్నాయి
అన్స్టాపబుల్ షోలో బాలయ్య.. టాలీవుడ్ టాప్ హీరోలు అయిన మహేష్ బాబు, ప్రభాస్, పవన్ కళ్యాణ్ వంటి టాప్ స్టార్స్ ని ఇంటర్వ్యూ చేశాడు. వారితో బాలయ్య చేసిన సంద‌డి మాములుగా లేదు. ఇక ఆయ‌న ఇంటర్వ్యూ చేయాల్సి క్రేజీ స్టార్స్ మ‌రి కొందరు ఉండ‌గా, వారిలో చిరంజీవి, ఎన్టీఆర్ కోసం అభిమానులు ఎంతో ఆస‌క్తిగా ఎదురు చూస్తున్నారు. చిరంజీవితో బాలయ్య ఎపిసోడ్ కి రంగం సిద్దమైందన్న ప్ర‌చారం జ‌రుగుతుంది. అన్స్టాపబుల్ సీజన్ 3లో తొలి గెస్ట్‌గా చిరంజీవి రాబోతున్నాడ‌ని, ఆయ‌న‌ని బాలయ్య ఆస‌క్తికర ప్రశ్నలు అడ‌గ‌బోతున్న‌ట్టు ప్ర‌చారం జ‌రుగుతుంది.
చాలాకాలం తర్వాత ఒకే వేదికపైకి చిరంజీవి-బాలయ్య వ‌స్తే అభిమానుల ఆనందం అంతా ఇంతా కాదు. ఇక ఈ ఇంట‌ర్వ్యూలో బాలయ్య.. ప్రజారాజ్యం ప్రస్తావన దాని వైఫల్యం గురించి త‌ప్ప‌క ప్ర‌శ్నిస్తాడ‌ని అంటున్నారు. వాటితో పాటు కొన్ని కాంట్ర‌వ‌ర్సీలు కూడా ప్రస్తావన తెచ్చే అవ‌కాశం లేక‌పోలేదు అని అంటున్నారు. ఇక ఇదిలా ఉంటే బాలయ్య.. చిరంజీవిని ఉద్దేశిస్తూ మా బ్లడ్ వేరు బ్రీడ్ వేరు అంటూ వివాదాస్పద కామెంట్స్ చేశారు. బాలయ్య తీరును నాగబాబు 2019 ఎన్నికలకు ముందు సిరీస్ ఆఫ్ వీడియోలతో ఎండగట్టారు. ఆ ఇష్యూ త‌ర్వా చిరు-బాలయ్య ఎదురెదురుగా మాట్లాడుకోబోతుండం ఇప్పుడు చ‌ర్చ‌నీయాంశంగా మార‌నుంది.
