Suma-Sharmila: వైఎస్సార్ తెలంగాణ పార్టీ అధినేత్రి వైఎస్ షర్మిల పాదయాత్ర డైలాగ్ ఎంత ఫేమ‌స్ అయిందో ప్రత్యేకంగా చెప్ప‌న‌క్క‌ర్లేదు. పాదయాత్ర అంటే పాదాల మీద నడిచే యాత్ర అని… ఆడ పిల్ల అంటే ఆడ పిల్ల ఈడ పిల్ల కాదు అని షర్మిల చెప్ప‌డంతో దీనిపై సోష‌ల్ మీడియాలో ఎంత ట్రోలింగ్ న‌డిచిందో ప్రత్యేకంగా చెప్ప‌న‌క్క‌ర్లేదు. కొందరు సెల‌బ్రిటీలు అయితే వీటిపై రీల్స్ చేయ‌డం, కొన్ని షోల‌లో షర్మిల డైలాగ్ ని వాడి కామెడీ పండించ‌డం కూడా మ‌నం చూశాం. పాదాల మీద నడిచే యాత్ర పాదయాత్ర కాగా, రేవంత్ పాదాల మీద నడిచేకంటే వాహనాల్లోనే ఎక్కువగా ప్రయాణిస్తున్నారని… దీన్ని పాదయాత్ర అంటారా? అంటూ షర్మిల విమ‌ర్శ‌లు చేసింది.. అలా షర్మిల పాదయాత్ర డైలాగ్ పై ట్రోలింగ్స్, రీల్స్, కామెడీ వీడియోలు తెగ పుట్టుకొస్తున్నాయి.
తాజాగా సుమ అడ్డా కార్యక్రమంలో కూడా ఇలాంటి డైలాగ్‌ని వాడేశారు. ఈ షో ప్రతి శనివారం నాడు ప్రసారం కానుండ‌గా, తాజాగా ఈ ప్రోగ్రాంకి సంబంధించిన ప్రోమో విడుద‌ల చేశారు. ఇందులో సుమ ఒక యాక్టర్ ని స్కూల్ లో విద్యార్థులకి సంబందించిన పాయింట్ అడుగుతుంటే అదిరే అభి ఓ పంచ్ వేస్తాడు. అసలు విద్యార్థులని విద్యార్థులు అని ఎందుకంటారో తెలుసా అని అనగా, అభి పక్కనే ఉన్న ఒక లేడీ ఎందుకంటే వాళ్లు విద్యార్థులు కాబట్టి అని అనడంతో సుమ‌తో పాటు ప్రతి ఒక్క‌రు న‌వ్వేస్తారు. అయితే ఇది సామాన్య ప్రేక్షకుల‌కి కామెడీగానే అనిపించిన షర్మిల అభిమానులు మాత్రం తీవ్ర ఆగ్ర‌హం వ్య‌క్తం చేస్తున్నారు. దివంగత నేత, ప్రతి తెలుగువాడి గుండెల్లో నేటికీ కొలువుతీరి ఉన్న మహా నేత, సమైక్య ఆంధ్రప్రదేశ్ కి ముఖ్యమంత్రిగా చేసిన డాక్టర్ వై ఎస్ రాజశేఖర్ రెడ్డి గారి కూతురు అయిన వై ఎస్ షర్మిల గారిని అలా విమ‌ర్శించ‌డం త‌గ‌ద‌ని కొందరు అంటున్నారు.
సుమ షోకి సంబంధించిన ప్రోమోను చూసిన మేము చాలా బాధపడుతున్నామని రాజశేఖర్ రెడ్డి అభిమానులు, అలానే షర్మిల అభిమానులు వీడియోకి తెగ కామెంట్స్ చేస్తున్నారు. తండ్రి రాజకీయ వారసత్వాన్ని కొనసాగించేలా ప్ర‌జ‌ల స‌మ‌స్య‌ల‌పై అలుపెర‌గ‌ని పోరాటం చేస్తున్న ష‌ర్మిల‌ని అలా ఎలా విమ‌ర్శిస్తారు అంటూ కొందరు ఫైర్ అవుతున్నారు. అసలు షర్మిల మీద ఇలాంటి జోకులు ప్రసారం కాకుండా చూడాలని కొందరు డిమాండ్ చేస్తున్నారు. ఏది ఏమైన షర్మిల డైలాగ్ ఫుల్ ఫేమ‌స్ కావ‌డం దీనిని ఇప్పుడు సినీ, రాజ‌కీయాల‌కి సంబంధించిన వారు కూడా వాడ‌డం ఇంట్రెస్టింగ్‌గా మారింది.
