కొన్ని కథలను కొంతమంది దర్శకులు మాత్రమే చేయగలరు అని అంటారు. అయితే అలాంటి కథలు ఎక్కడైనా ఉన్నాయి అన్న అలాంటి పాత్రలు ఎవరైనా హీరో చేయాలనుకున్న ప్రధానంగా ఆ దర్శకుడి పేరే వినిపిస్తుంది. అయితే ఇప్పుడు గత కొన్ని సంవత్సరాలుగా తెలుగు చిత్ర పరిశ్రమలో కూడా ఇదే పరిస్థితి ఉంది. అయితే కోన్నీ సందర్భాల్లో మాత్రం కొంతమంది దర్శకులు అమాంతం ముందుకు వస్తూ ఉంటారు. ఆ సమయంలో అలాంటి సత్తా ఉన్న మరో దర్శకుడు ఇండస్ట్రీకి వచ్చాడని ప్రేక్షకులు మాట్లాడుతూ ఉంటారు. ఇప్పుడు అలాంటి దర్శకుడు ప్రశాంత్ వర్మ అని అందరూ అంటున్నారు.
ఇక అలాంటి సినిమా కథ ఆదిత్య 999 అని అంటున్నారు నెటిజన్లు.. నట‌సింహం నందమూరి బాలకృష్ణ కెర‌ర్ లోనే ది బెస్ట్ సినిమా అని చెప్పుకొనే లిస్టులో ఆదిత్య 369 ఖచ్చితంగా ఉంటుంది. ఇప్పుడు ఆ సినిమాకు సిక్వ‌లే ఆదిత్య 999.. చాలా సంవత్సరాలుగా ఈ సీక్వల్ గురించి వింటూనే ఉన్నాం. నిజానికి బాలయ్య ఈ ఆదిత్య 999 కథను ఎప్పుడో రెడీ చేశాడు. గతంలో బాలయ్య వందో సినిమాగా ఈ కథ ఉంటుందని అందరూ అనుకున్నారు.. కానీ ఆ సమయంలో ఈ ప్రాజెక్టు కుదరలేదు. అదే విధంగా ఈ సినిమాతోనే బాలయ్య కొడుకు మోక్షజ్ఞ కూడా టాలీవుడ్ కి ఎంట్రీ ఇవ్వనున్నాడని గతంలో పలు వార్తలు కూడా బయటకు వచ్చాయి.
అదే విధంగా ఆ సమయంలో ఈ సినిమాకు బాలయ్య స్వయంగా దర్శకత్వం వహిస్తారని కూడా చెప్పారు. అయితే ఇప్పుడు ఆయన ఈ బాధ్యత నుంచి తప్పుకున్నట్టు వార్తలు వస్తున్నాయి. ఈ క్రమంలోనే మరి కొంత మంది దర్శకుల పేర్లు కూడా బయటకు వచ్చాయి. ఇప్పటికీ ఈ సినిమా పట్టాలెక్కలేదు. త‌ర‌వాత కొత్త కథలు, కొత్త ద‌ర్శ‌కులతో బాలయ్య వరుస సినిమాలు చేస్తూ వస్తున్నారు. అయితే ఎప్ప‌టికైనా ఆ కథ తీయాల‌న్న‌ది బాలయ్య ఆశ అంటారు. స‌రైన దర్శకుడి కోసమే చూస్తున్నారని టాక్‌.
అయితే, ఆ దర్శకుడు ప్రశాంత్ వర్మ అన్నీ నెటిజన్లు అంటున్నారు. ‘హను మాన్‌’ సినిమాను ప్రశాంత్ తెర‌క్కెకించిన విధానం, కథను చెప్పిన తీరు, సినిమాను చూపించిన తీరుకు అందరూ ఫిదా అయిపోయారు. ఇప్పుడు ఆయన చేతిలోకి ‘ఆదిత్య999’ కథను పెడితే అదరగొట్టేస్తాడు అని అంటున్నారు. మరోవైపు ప్రశాంత్ వర్మ కూడా బాలయ్యతో పని చేయాలని ఆశపడుతున్నాడు. ఈ కాంబోలో ‘ఆదిత్య 999’ మూవీ వస్తే మాత్రం మరో రేంజ్‌లో ఉంటుంది అన‌డంలో ఎలాంటి సందేహం లేదు.
