మన తెలుగు చిత్ర పరిశ్రమలోనే సీనియర్ హీరోయిన్‌ల్లో ఒకరైన రోజా గురించి అందరికీ తెలిసే ఉంటుంది.. టాలీవుడ్ నుంచి కోలీవుడ్ వరకు హీరోయిన్గా ఎన్నో సినిమాల్లో నటించి స్టార్ హీరోయిన్గా మంచి క్రేజ్ తెచ్చుకున్న తర్వాత రాజకీయాల్లో కూడా అడుగుపెట్టి మొదట ప‌లు ఇబ్బందులు ఎదుర్కొన్న కూడా ప్రస్తుతం వైసీపీ ఎమ్మెల్యేగా, ఆంధ్రప్రదేశ్ పర్యాటక శాఖ మంత్రిగా కొనసాగుతుంది.
ఇక రోజా తెలుగు, తమిళంలోనే కాకుండా కన్నడ- మలయాళంలో కూడా ప‌లు సినిమాల్లో నటించి అక్కడి ప్రేక్షకులను కూడా మెప్పించింది. అయితే ఈమె సౌత్ భాషల్లోనే కాకుండా బాలీవుడ్ లో కూడా ఈమె ఒక సినిమాలో నటించిన విషయం చాలామందికి తెలియదు. ప్రేమ తపస్సు అనే సినిమా ద్వారా టాలీవుడ్ లో అడుగు పెట్టిన రోజా.. శోభన్ బాబు హీరోగా వచ్చిన సర్పయాగం సినిమాతో న‌ట్టిగా మంచి గుర్తింపు తెచ్చుకుంది.
ఈ సినిమా తర్వాత నుంచి టాలీవుడ్ అగ్ర హీరోలైన బాలకృష్ణ, చిరంజీవి, నాగార్జున వంటి హీరోలతో నటించి టాలీవుడ్ లోనే స్టార్ హీరోయిన్గా గుర్తింపు తెచ్చుకుంది. అలాగే మరో స్టార్ హీరోయిన్ విజయశాంతి తర్వాత లేడీ ఓరియంటెడ్ సినిమాల్లో ఎక్కువగా నటించిన హీరోయిన్ గా కూడా రోజా పేరు తెచ్చుకుంది. హీరోయిన్గా అవకాశాలు తగ్గిన తర్వాత రాజకీయాలలో ఎంట్రీ ఇచ్చి మొద‌టిసారిగా తెలుగుదేశం పార్టీ తరఫున ఎమ్మెల్యేగా పోటీ చేసి ఓటమిపాలైంది.
ఆ తర్వాత వైసిపి పార్టీలో చేరి రెండుసార్లు ఎమ్మెల్యేగా ఘ‌న విజయం సాధించింది. అదేవిధంగా దర్శకుడు సెల్వమణిని వివాహం చేసుకుంది. ఇక వీరికి ఇద్దరు పిల్లలు. రోజా బాలీవుడ్లో నటించిన సినిమా విషయానికి వస్తే మహేష్ భట్ డైరెక్షన్లో వచ్చిన ది జెంటిల్మెన్ అనే సినిమాలో ఈమె ఒక స్పెషల్ సాంగ్ లో నటించింది. ఇక ఈ సినిమాను అల్లు అరవింద్ నిర్మించగా చిరంజీవి హీరోగా నటించారు.. అయితే ఈ సినిమా బాలీవుడ్లో అంత పెద్దగా సక్సెస్ అవ్వలేదని చెప్పాలి.
